गजल -मखमली

राज अविरल यात्री

भाईटिकामा गला गला , सुहाउँछ मखमली ।
यस् पाली नि मेरी बैनी , रुवाउँछ मखमली ।।

सप्तरंगी टिका सँगै , झन् गाढा हुन्छ नाता ।
थाली भरि सगुन त्यो खुवाउँछ मखमली ।।

आउँछु भन्दै परदेशमै , टाँरे धेर बर्षहरु ।
पर्खी बस्दा नयन सँगै , रसाउँछ मखमली ।।

अजम्बरी माया छर्दै नओईलेरै बाँच्छ यो ।
बैनी सम्म मेरो माया छुवाउँछ मखमली ।।

देउसी भैलो सम्झिएर , मन गाँवै तिर पुग्दा ।
साथी भाईको याद झन , जगाउँछ मखमली ।।

कन्याम ईलाम
हाल क्वालालम्पुर ।