अनेक

फणिन्द्र गिरी ”शान्त”

गजल

बडा राजा मर्यो के भो?, छोटा राजा अनेक
यो देशको ढिकुटी त, भयो खाजा अनेक ।।

बुद्ध बस्ती शान्ति क्षेत्र, इतिहास मात्रै
जता ततै घन्केको छ, द्वन्द बाजा अनेक ।।

छैन कतै खाने दानो, कतै अन्न फालि
भाषणमा समान्ताका, नारा साझा अनेक ।।

मुखमा छ राम नाम, बगलीमा छुरा
श्रिखण्डको बार हालि, खेती गाँजा अनेक ।।

पीडा साँचि रुन्चे हाँसो, कसरी पो हाँस्नु
हाँस्न खोजे चर्कन्छ झन्, घाऊ ताजा अनेक ।।